【本報訊】facebook連環暗殺？三名網民上周在facebook成立群組，反對地產商發展南生圍後，facebook分別拒絕三人登入，其中一人的戶口更被取消。受害人懷疑是地產商派出網絡打手向facebook舉報。有互聯網專家表示，facebook近年多次封殺群組負責人，由於該公司在港沒有辦事處，難查證封殺原因；負責發展南生圍的地產商恒基就表示，對事件毫不知情。 記者：張嘉雯
香港中文大學哲學系學生可樂，上周在facebook成立「反對四叔在南生圍建豪宅」的群組，並上載文章，批評恒基發展南生圍，又指環保團體被財團控制，對事件噤若寒蟬，即晚有360多人加入，豈料其facebook戶口同晚被停用。「佢話我個名唔係真名，咁唔通一定要用身份證上嘅名？我一年前同facebook申請轉呢個名佢批嘅，點解突然間呢個時間開唔到呢？其實searchfacebook，好多人都叫可樂啦。」
可樂表示，暫時不能繼續管理該群組，「入面嘅notes、考察影嘅相呀，我全部攞唔返，所有嘢都消失晒，好似我從來無出現過咁，覺得好無奈，少咗一個抗爭嘅渠道。」他推測是地產商打手向facebook舉報，已向facebook交上真實姓名，希望重開戶口，「最安慰係好多朋友都話無懼打壓，即刻整番幾個group保衞南生圍，我咁樣俾人disable都值得。」
該群組另外兩名管理員劍青和Joanne的戶口亦受影響，先是劍青收到facebook警告，指他「胡亂加朋友」，暫停其戶口4小時。Joanne則在周一傳出群組訊息呼籲關注南生圍發展時，突被中止使用。「facebook即時logout咗我，話我電腦好似有病毒，因為保安理由，暫時入唔到嚟，我覺得好奇怪。」
情況並不罕見
香港互聯網協會主席莫乃光指，facebook突然中止戶口的情況並不罕見，其他群組，例如反對食魚翅群組負責人的戶口早前亦被中止，「個group得佢一個admin，咁個group咪變咗無主孤魂囉。」他本人年多前試過發出大量訊息，戶口被中止，也難以確定今次事件是否跟地產商投訴有關，又指facebook在亞洲只有印度一個辦公室，只負責技術事宜，中止用戶的條款又模糊，難以監察。