范冰冰、張艾嘉同陳柏霖主演嘅電影《觀音山》入圍東京電影節競賽片單元，范冰冰扮演搖滾歌手，噚日電影嘅國際版海報曝光，當中最特別嘅係張艾嘉，佢飾演前京劇名伶，佢嘅裝扮仲老咗成10年，令人難以認出。導演李玉大讚范冰冰今次嘅演技比《蘋果》時更出色，不過范冰冰疑因中日關係緊張，所以會缺席東京影展。