混血名模Rosemary早前在美國涉嫌藏毒及撞車不顧而去，兩單官司稍後再審，但她已鐵定下周四復工，在北京為中國時裝周行騷。另一方面她也重拾母女情，與患病的母親Julie關係修好，Rosemary更搬回家與Julie共住，親情事業均露曙光。
名模Rosemary上月初在美國涉嫌藏毒及撞車不顧而去，分別在今月底及12月再審，早前她避走法國並在印度靈修，不過她已決定下周四在北京復工，為中國時裝周行騷，而一直與母親Julie關係麻麻的Rosemary，兩母女也有轉機修好關係。
囑阿媽保重
記者昨日在銅鑼灣遇上Rosemary母親Julie處理銀行事宜，問她女兒情況，她說：「我都唔知道，知佢唔使過美國嗰邊，希望佢家大事化小、大步檻過，都放心啲，佢做咗十幾年嘢冇認真休息過，當叉吓電。」
Julie又透露遭受前夫離婚財務官司及病患困擾，經濟陷入困境，令她得到抑鬱病，心情鬱鬱不歡，不過也因此得到Rosemary照顧，她開心地說：「佢啱啱搬返嚟，好支持我，知道我發生乜事，希望我留意身體，之前同佢關係都好僵，佢見到我同佢爹哋打官司，佢睇到我受苦。」
母支持外闖
對於Rosemary返內地發展，Julie十分支持：「如果香港畀唔到空間佢，都希望佢去外地發展，好多嘢時間可以證明，同埋希望佢學識用腦諗吓自己嘅發展。」
採訪、攝影：R.AuYeung