中國反賭打假嘅風潮持續，繼前中國足協副主席南勇、「金哨子」陸俊都因利用足球比賽賄賂、賭博被起訴後，中國於02年歷史性殺入世界盃決賽周嘅事件，都係調查項目之一。焦點係01年10強賽，中國贏阿曼提前贏得世盃入場券嘅比賽，有指當時國足球員涉嫌賭波，與賭波集團聯手控制賽果，結果中國真係僅勝1:0。當年嘅國足球員申思、祁宏、江津，家都要協助調查，國內傳媒談及都為「上海幫」嘅「大將軍」范志毅（圖）或者都有份，不過41歲嘅范大將軍就好認真咁講其他人做嘅嘢，佢係唔會做嘅，究竟佢係咪真係有份打假波？睇嚟要等調查結果喇！