啱啱出席完內地金雞百花獎嘅袁詠儀靚靚，前日喺銅鑼灣一間高檔超市入貨，同佢行紅地毯時千嬌百媚相比，前日所見呢位不施脂粉嘅影后，面容就有啲浮腫。袁詠儀首先喺超市買咗啲零食同飲品，畀完錢之後就行到對面再買麪包，睇嚟會係佢囝囝嘅早餐。不過靚靚好快就發現記者，不停打電話求助，之後更以極速步伐離開超市，喺鬧市中消失。