「發水樓」呢三個字如無意外係發展商都唔想提，但其實亦可以講得好動聽嘅。好似「長實樓神」趙國雄就話，發展商每賣一呎出去，都係有根據，並唔係大家所諗淨係識起貴樓賺盡一分一毫。
「市場鍾意乜 我哋起乜」
更強之處，係佢仲可以用到叉鵝飯嚟打個比喻：「如果你鍾意食叉鵝飯，但係想食叉燒多啲，咪畀多啲叉燒你囉，相反想食鵝多啲，咁咪畀番多啲鵝你囉；我就鍾意食西餐，不過牛肉唔使太大，只要側邊有啲配菜，擺得靚靚哋就得……總之，發展商都只係市場嘅供應者，市場鍾意乜，我哋就起乜，與時並進。」……係o架，你鍾意多叉燒多鵝甚至加埋飯都無問題嘅，加錢之嘛；同樣你話鍾意有露台、會所、泳池，咪又係加錢囉，呢個世界點會有免費「加底」o架。咪玩喇趙生！
李華華