男性要催谷性能力，以求喺晚上「運動」時達最佳狀態，都或者可能會服食「偉哥」，之不過如果為求一時歡愉而要罰停賽就真係唔抵！就好似京奧奪男子400米金牌得主嘅美國跑手米列特（圖）咁，佢就因為服食男性壯陽用品令佢嘅藥檢呈陽性反應，結果俾美國反興奮劑機構處罰停賽21個月，好彩處罰期係由去年10月底開始計起，所以佢出年停完賽後，都或者可以趕得切參加明年8月舉行嘅田徑世錦賽。24歲嘅米列特就話自己好內疚，估唔到會搞成咁，期望贊助商、家人等會支持佢，我求大俠都為米列特送上祝福啦！