馬浚偉、馬國明、苟芸慧、李詩韻和龔嘉欣昨日在電視城為梁材遠新劇試造型，先後與鄧健泓拍拖的李詩韻和龔嘉欣碰頭，因兩人私下不認識鮮有交談，但活動後也應要求大方合照。
搵鄧健泓湊狗
劇中兩人有不少對手戲，更會與馬仔發展三角關係，被笑指戲內外都爭仔的龔嘉欣說：「其實唔算係爭，戲內係講我暗戀馬仔啫，戲外大家都知道過咗先一齊，總之我唔會理啲緋聞，專心拍劇。」
李詩韻則說：「唔尷尬，尊重佢有男友，尊重佢哋呢對情侶，我相信冇人鍾意男友同前度有聯絡，我同鄧健泓私下好少聯絡，最多係我出埠做嘢先會搵佢幫我照顧啲狗。」此外，飾演蒙古公主的苟芸慧為此劇努力學廣東話，她對自己的古裝扮相感滿意，六度剃頭的馬仔不擔心影響頭髮。
採訪、攝影：何慧斯