李嘉欣嫁入豪門，40高齡依然成功懷胎。懷有五個月身孕的她昨日腹大便便，踩住3吋高跟鞋在中環出席相展，開心分享大肚經。面圓圓的嘉欣透露已經重了12磅，肚大得連腳趾都望不到，她又犯禁吃生冷食物，卻不進補！嘉欣又指老公許晉亨會入產房，拍攝她剖腹生產的過程。
自從40歲的李嘉欣懷上第一胎後，已深居簡出。她昨日頂住五個月的大肚子，在中環出席Leica相機活動，大會更送上一張由夏永康之前為嘉欣影的婚紗相，令她喜出望外。
正裝修嬰兒房
一向貪靚的嘉欣穿上冷衫、牛仔褲，依然腳踏三吋高踭鞋，肚皮相當突出，面容則比前飽滿。她在台上分享愛時說：「愛係無邊際，無止境，無私嘅，先係真正嘅愛！」嘉欣之後由保安保護住，坐在椅子上接受訪問，問她現時懷胎幾多個月？她謂：「保密，你哋話幾多咪幾多囉！」她謂已經知道胎兒性別，但不會透露。嘉欣說：「我家重咗11、12磅，家企直個人，都望唔到自己嘅腳趾，都要多休息。」
嘉欣又指飲食習慣都改變：「以前甜品當係正餐，家就有少少抗拒。」她又謂照食生冷食品，反而沒有食燕窩、參茸補品，嘉欣說：「大肚婆唔需要呢啲，但係唔可以食大閘蟹。」嬰兒房已經裝修中，她謂到時BB可以執舊衫着，嘉欣說：「家姐生完，BB嘅衫都可以着，我哋兩個小朋友可以share啲衫。」她又謂自己會開刀生BB。
產後繼續工作
至於老公許晉亨可會入產房？嘉欣就說：「佢會入，會拍DV同影相，佢之前睇過少少家姐（指李嘉明）生BB時嘅片段，佢嘅表現係好shock（震撼）！」嘉欣高齡懷孕，問她產後可會全職湊仔，不再工作？她說：「會繼續做嘢，有廣告商搵，適合咪做。」會否母子檔工作？她說：「咁又未必，唔想佢同個圈太近，第時佢懂事再算。」
採訪：顏英儀 攝影：陳志嵐
MaggieQ鄭中基愛的見證
李嘉欣昨日出席的相展「LeicaLoveProject」，以愛做主題，請了MaggieQ、鄭中基、余文樂和著名攝影師夏永康等，透過鏡頭傳遞愛的訊息。
嘉欣的作品是攝自一座建築物內互相交纏的裝飾；近期和有線主播余思敏蜜運的鄭中基，拍的是一幅四個人夾band的相，四個都是他，但面容卻朦朦朧朧，莫非想說音樂大過愛？至於MaggieQ所拍的黑白相，則取材自一堆細密的燭光。
