早排改咗名叫做PNG資源嘅利來（221），因為喺巴布亞新幾內亞買咗個樹林，上個禮拜就誠邀傳媒過去實地考察，令華華呢個近期當紅嘅「trip精」有機會深入原始樹林感受一下！大家最關心係食嘅問題，有咩食呢？
巴國地處近赤道，天氣炎熱，自然有利於農作物生長，正所謂「靠山食山，靠海食海」，當然要食人哋嘅主糧之一香蕉！勢估唔到，當地土人係會煲熟食物嚟食，而香蕉就係用滾水連皮煲。
土人嘅古法煲蕉（下圖）啦，（仲送多味椰汁煲菜（上圖）㖭），好唔好食？為免「無衣食」，華華一定唔會彈三彈四嘅，只可以講畀大家知，影完呢兩張相之後，華華拎左去請兩隻豬仔食囉!
李華華