茅台都可以8成假，證明「中國甚麼都假惟有騙子是真的」呢句嘢有幾堅！但咁係咪代表內地同胞、企業夠醒目，只會呃人而唔會俾人呃呢？
咁又未必，風險諮詢顧問Kroll委託經濟學人做嘅《全球反欺詐年度報告》結果顯示，中國今年已經爬咗巴西頭，成為企業遭受欺詐行為最多嘅國家，98%被調查嘅中國企業話，舊年至少遭受一種欺詐行為，排第二位係巴西，90%話俾人呃過；而中國所遭受嘅欺詐行為係最多花款嘅，真係幾出人意表！
呢個有800名被訪者受訪嘅調查所涉及嘅11種欺詐行為，有9種至少係會影響到五分一企業，包括管理層利益衝突、知識產權竊取、市場勾結、腐敗和受賄及洗錢活動等等。另外，調查又發現，東南亞地區都出現咗好多欺詐問題，90%東南亞地區被訪者俾人呃過，佢哋遇到嘅遭遇同中國差唔多，只係有一種低過中國，就係知識產權竊取……呢個調查結果幾合理！
李華華