曹格嚟緊會喺香港搞演唱會，佢話因為有太多歌，而且佢又好想唱其他歌手嘅歌，所以揀歌好頭痛。日前曹格有機會去海灘做嘢，佢不知幾興奮，難得仲可以早收工，曹格就同工作人員一齊留低喺海邊玩水。曹格一落水就游出浮台，佢嘅助手完全跟唔到，後嚟仲唔見咗曹格，大家鬼咁擔心之際，原來佢潛咗入水底，嚇到助手唔知好嬲定好笑。