車衣工人流水作業，要眼明手快，完全失明的人，怎麼可以做車衣工人？她卻做得到。十多歲已完全失明的邱苑玲，雖然失去視力，不過其他感觀超強，可以如常人般車衣，而且速度快得驚人，「一日車好5、6件衫，布袋可以車超過150個」。
苑玲6、7歲時視力開始轉差，上課看不到黑板上的字，後來證實患上青光眼，視網膜慢慢萎縮，原因不明。當時她日間仍勉強可自行活動，黑夜降臨，便需要別人照顧。1977年復活節，是她親眼看見這個世界的最後美好回憶。海洋公園剛開幕不久，「二哥帶我去搭纜車，下面海景、小路上有樓梯級都仲望到」。
不容於主流學校，父母送她到心光盲人學校寄宿。轉校後她反而更有興趣上學，因心光着重實用課，一周有六課木工及金工，「我讀書唔得，但勞作手工一向係強項」。苑玲1986年中三畢業，當時已經需要盲人枴杖輔助，其後她入讀職業訓練局前身的技能中心學車衣，鍛煉出一手好車工，「嗰度唔畀輔助器具你，冇大頭針定住啲位，要你由零開始，砌成件衫出嚟。」
二十多年僅工傷一次
1988年她進入盲人工廠當車衣工，一日工作八小時才賺得50多元，最無奈是甫入行，前輩已指她「入錯行」，因當時本地製衣廠開始北移，很少年輕人選擇這個夕陽工業。慣與黑暗為伍，何懼夕陽？反正也沒其他手藝，便繼續工作，經歷本地製衣業由盛轉衰。「當時主要車『蛤乸衣』（制服），港燈、中電、生力啤、嘉頓都係我哋大客。仲有車布袋，畀滙豐裝錢同醫院裝衫用。」當時工廠約有50個車衣工，失明及智障人士各佔一半；90年代末港燈、中電等已不再落定單，工作量銳減，現時工廠只做一些「散單」，工廠車衣部13名車衣工，全失明人士剩她一個。
採訪當日，苑玲示範如何縫製一件「蛤乸衣」，「啲人唔信我自己可車到件衫，後來睇住我車，都要信。見到我隻手一路摸住個位，貼住車針一路車，覺得好牙煙」。只見她單憑雙手觸覺，把衣服的摺位縫得筆直，線圈用盡，她即時察覺並隨手更換，若非早知她失明，根本看不出與常人有異。苑玲技術如入化境，她說二十多年車衣生涯中，僅受傷一次，「自己唔專心啫」。
「唔好攞唔好嘅同人比」
理大張超雄夫婦也有找苑玲縫製衣服，「張Sir好有心幫我哋弱勢人士，車咗兩件風褸畀佢哋，唔同圖案嘅。」本地製造業無可為，苑玲現時日薪約150元，但她沒有怨天尤人：「我怨乜嘢啫？唔好成日攞啲唔好嘅嘢同人比較，多啲睇吓自己，喺香港其實已經好有福氣，如果喺深圳，我嘅遭遇唔係咁。」她強調會一直做下去，直至不能工作為止，「做乞兒又唔會有人畀（錢）我，肥屍大隻，都唔似啦」。
堅持工作，因為她不想終日閒在家裏，「唔想好似其他殘障人士，匿埋喺屋企，佢哋生活圈子細，融入唔到社會，有時諗嘢會好偏激，會有精神問題出現。」她與家人同住，沒有家累，也不想負累家人：「自己搵自己食，唔好理我搵幾多，起碼唔使全部伸手問政府攞，唔使令社會多個負累。」失明女工，志氣比不少健全人士高。
記者 張文傑