今年萬聖節就嚟到，扮鬼扮馬嚇人當然係唔少得，之不過喺美式足球大聯盟（NFL）嘅亞特蘭大獵鷹隊，做球隊主持嘅靚女NikiNoto就真係估唔到，未到萬聖節已經俾人嚇餐飽！嚇佢嘅仲要係球隊後衞維爾同前鋒韋特，話說今夏贏得主持挑戰賽嘅「新丁」主持Niki，原本着低胸黑色裙、外加黃色外套，扮到靚靚咁同前鋒韋特做訪問，點知佢突然話要去聽電話；當Niki耐心等候之際，維爾戴住MichaelJackson嘅《Thriller》喪屍面具靜雞雞出現，嚇到Niki即時花容失色，最後只好大笑遮醜，做主持都俾球員嚇餐飽，真慘！
