百多年前的歐洲，錶是屬於男人的東西，女人擁有珠寶首飾就夠了。到了今天，女人也駕馭時間，腕錶不再是男人的專屬，高級女裝腕錶品牌Bedat&Co，就結合華麗和實用，使腕錶的魅力發揮至極，名模姚予晴（Mikki）戴過後，也對其貼心的設計讚不絕口。
自認是購物狂的姚予晴，對漂亮的東西愛不釋手，家中充斥她歷年的戰利品，令她又愛又恨，她說：「家我已經改咗好多，不過以前真係購物狂，見到鍾意就會買，有時執屋搵番啲舊衫，會發現有好多根本未着過，連牌都未拆，見到咁新都唔會捨得丟。」她指早年有意搬更大的新屋，好讓她有空間存放這些未穿過的「舊衣」，不過後來又覺得此舉很儍，故近年將購物的目標，由時裝轉移到首飾和腕錶。
尤愛復古
Mikki續說：「首飾需要嘅空間比衣物小好多，仲可以保值，幾時戴出嚟都唔會過時，又可以配襯唔同嘅衫，手錶都係我嘅收藏品之一，我比較鍾意有復古味嘅錶，尤其係三、四十年代嘅錶款，覺得好有味道。」
提到示範的Bedat&Co腕錶，Mikki大讚結合了首飾的設計，戴上腕錶的同時，也像戴上手鐲一樣漂亮，她說：「我最欣賞係No228，因為佢嘅紅色錶帶夠搶眼，錶面設計好特別，當然最吸引係佢鑲滿鑽石嘅錶冠，成個設計都好靚。」更令Mikki欣賞的還有錶冠的內鑲式設計，不但令線條更流暢，也保護了女士的手，免調校時針時被錶冠所傷。
總監監場
這天，Mikki有幸和品牌藝術總監DinoModolo見面，Dino親手為她戴上No883，並大讚Mikki的演繹能表現出品牌的高貴和幽雅味道。雖然Bedat&Co的新款腕錶中，不少都是女裝款式，但Dino表示也很重視男性市場，如長方形No7系列和圓形No8系列，其簡約穩重的設計，過去一直備受男士欣賞。
話你知：瑞士原產認證
腕錶品牌Bedat&Co1997年由ChristianBedat和母親共同成立，其後Christian將品牌的大部份股份售予Gucci，自己則擔任品牌的行政總裁及兼任創作總監，數年間即進攻瑞士、西班牙、奧地利、美國、意大利、日本和香港等地，火速冒起。
去年Bedat&Co和Gucci脫離合作關係，不過品牌仍保留過去的傳統，在手工、設計和機件，都堅持百分百源自瑞士，成為少數獲得A.O.S.C.（瑞士原產認證）的品牌。
採訪：R.AuYeung
攝影：MatthewLam
場地提供：L'Atelier
髮型：Alexofpophairdressing
服裝提供：WalterMA