【本報訊】財爺曾俊華開腔警告樓市泡沫風險增加，或令置業者手上物業變成負資產，03年樓市爆煲而成為負資產的業主慨嘆政府只懂「出口術」，未有有效措施壓抑樓價失控上升，未來更可能吹出超級泡沫，屆時就算由市場自行調節，結果令人未許樂觀，「家政府統一口徑叫你小心，其實都係保障自己，樓市將來冧，佢可以話勸過你市民要小心嘛」。
現市況與97年相似
負資產大聯盟召集人葉增明1997年花了500萬元買下兩棟位於粉嶺的樓宇，03年沙士疫潮襲港，加上「八萬五」政策夾擊，他慘成負資產，樓價大跌近七成，至今還未回升至買入價。他指，現時市況與當年類似，「97年都係熱錢流入，都係好多炒家，不過當時息口高，一冧就跌得勁，家政府唯一好嘅地方，只係冇好似阿董（董建華）咁人為干預樓市，同埋有番啲危機感，識得預早提吓你，不過物極必反，邊個知之後市場會調節成點」。
葉增明認為，樓價高處未算高，但現時由於資金充足和低息效應而未見大調整，日後利好因素一旦消失，大泡沫隨時爆破，他說：「到時市場調節都冇用，政府冇吸取當年教訓，提出具體方案幫助市民，規管豪宅氾濫、抑制高地價政策呢啲一定要着力啲做，最緊要唔好再干預樓市。」但葉增明認為，現時經濟環境較02年、03年時好，再次出現負資產的可能性不太大。