現年44歲嘅英超阿仙奴名宿阿當斯，今年5月去咗阿塞拜疆，做阿塞拜疆超級聯賽（AzerbaijanPremierLeague）球隊加巴拉（GabalaFC）嘅領隊。縱使一切都要從零開始，但係呢名鐵衞就話冇有怕；日前佢接受英國傳媒訪問時，話自己已經完全適應當地嘅生活，仲話唔會掛住家鄉英國，只係牽掛喺英國嘅家人，原因或者同英國傳媒成日睇死佢，做唔掂領隊工作，令佢無法集中精神，反而阿塞拜疆簡簡單單嘅環境仲正！
阿當斯話佢合約期3年內，目標係帶領球隊贏聯賽冠軍，現時球隊排聯賽第7位，落後榜首尼夫治9分，睇嚟阿當斯真係要繼續努力啦！