社民連噚日喺旺角街頭搞聲援劉曉波嘅論壇，特別邀請咗最鍾意出席《城市論壇》嘅政協常委劉夢熊做建制派代言人，點知原本應承出席嘅劉夢熊最終甩底，但親自出馬邀請嘅黃毓民坦言有啲預咗，估計係中聯辦叫劉生收聲。
雖然未能赴會，但劉夢熊特別傳咗個SMS畀毓民，解釋因為一早答應咗范徐麗泰噚日去馬會食晏，抱歉趕唔切到場，然後就發表對劉曉波獲獎嘅意見，明言有中華人民共和國公民攞諾貝爾獎，「對宣傳中國和平崛起，消除中國威脅論有着正面意義」。雖然劉夢熊由始至終冇提及劉曉波三隻字，但毓民就非常體諒，覺得喺咁嘅情況下，佢個回應都「算係咁」喎。