港股上禮拜直逼24000關，最後一個交易日雖回落94點，但並冇改變港股向上嘅形勢，最值得留意嘅係成交大幅增加，出現連續3日過千億成交嘅場面，反覆向上格局會繼續維持。
伯南克話花旗嘅高失業同通縮風險值得關注，講明會繼續泵水入市場，資產價格點會唔升？國家商務部話正積極研究「十二五」期間會擴大消費政策，汽車業肯定受惠。
吉利C輪25365：吉利汽車（175）上日報收3.90元，升2.9%。股價早前突破4元後迅速回落，下試10日線再整固1個禮拜，上日大成交炒上，技術走勢好靚，有機會突破4.40元向4.60元推進，可以諗吓隻C輪25365。
隻輪現價46.5仙，2011年4月6日到期，行使價4.28元，溢價21.7%，引伸波幅56.5%，槓桿率8.4倍（有效4.1倍），正股升上4.60元，25365睇86.4仙，升幅有8成半，幾吸引，正股跌穿3.68元就沽咗隻輪。
俊樺