時不時搞泊車優惠的葵芳新都會廣場，好鍾意搞Gimmick，繼上次搞見貓即可免費泊車之後，最近又有新搞作，今個秋日搞個「月夜狂賞Ladies'Night」，由即日起至10月24日，凡穿着粉紅服飾的私家車駕駛人士，於指定時段毋須消費，即送上「香車美人．2小時免費泊車」，咁着數，記住着粉紅色衫去Shopping呀！
指定時段（以入車時間計）星期一至五：下午5時至晚上10時星期六、日及公眾假期：中午12時至晚上10時