關楚耀（Kelvin）、陳樂榣和羽翹等昨日到銅鑼灣，出席「保護遺棄動物協會」獎券義賣活動，Freeze成員甄穎珊日前透露因拒拍《3D肉蒲團》不獲續約，其公司後來發聲明指因她工作態度惡劣才不續約，屬同一公司的陳樂榣和羽翹昨日表示不方便評論，二人又指公司沒要求她們接拍該片。
「公司唔會逼做嘢」
問陳樂榣有否覺得甄穎珊態度惡劣？她說：「呢啲太敏感啦，總之公司一向同我哋有商有量，唔會逼我哋做嘢。」似暗寸甄穎珊講大話。
此外，Kelvin透露日前為亞視的喜劇拍宣傳片，問他會否擔心四大唱片公司與無綫的關係不能修好，他說：「呢啲唔到我擔心。」提到謝安琪去完韓國後臉形變尖，他說：「去一個星期唔會整得咁快呀，佢係人氣勁影響面相靚咗啫。」
採訪：李珮洳
攝影：黃文成