甚有異性緣的Mr.主音布志綸（Alan），日前與玩具富商女兒Sally在九龍塘坐在車上談心，其間Sally被自稱是其未婚夫的吳姓男子拖下車，Alan與他發生推撞，結果Alan涉襲擊被補，幸好可保釋離港工作。昨日Alan返港強調現時沒有女友，又指自己行得正企得正，難怪大方透露連日來均有跟Sally保持聯絡。
樂隊Mr.近年人氣急升，主音布志綸更被踢爆甚有異性緣，網上流傳他左擁右抱索女的相片。日前Alan夜訪富家女Sally，在其九龍塘豪宅門前坐在車上談心，其間與一名自稱是Sally未婚夫的吳姓男子發生衝突，結果Alan涉襲擊被捕，幸好獲准保釋，可如期跟Mr.及譚詠麟到杭州宣傳。昨日Alan返港，現場見他精神不錯，但接受訪問時難掩不耐煩語氣。
自稱交友無分貴賤
問到案件有沒有新進展時，Alan在其他成員陪伴下說：「冇乜嘢最新消息，一切都由警方處理緊，其實唔係咁大件事，但因為警方處理緊，所以都唔方便作太多嘅回應。」出事後有否跟Sally聯絡？他大方直認說：「正常嘅聯絡係有，其他嘢唔方便講，多謝大家關心，我都忙緊為新碟宣傳，呢輪都要同校長（譚詠麟）做嘢，希望focus喺番音樂上嘅嘢。」有否和Sally談及案件？Alan表示毋須公開交代。
再問Alan事件有否影響他與Sally的友情？他說：「朋友唔需要解釋咁多，況且佢唔係圈中人，真係唔需要交代，一切由警方處理。」他又強調自己現時沒女友。對於事件曝光後有人指他追求富家女，Alan語帶無奈地說：「呢啲係人哋背景，我同人做朋友係唔分有錢同貧窮，人哋要誇大呢方面我冇法子，做人最緊要行得正企得正。」
此外，昨晚Mr.到灣仔為車展做表演嘉賓，Alan表示沒因被捕事件影響心情，他說：「係好攰，今日先返香港，聽日又要飛北京。」問他會否繼續跟富家女Sally聯絡，他說：「唔想再講，事件已經交畀警方處理，不過校長冇鬧我。」
採訪：朱志聰、胡比
攝影：黃偉雄、黃文成
