呢排搭港鐵時，發現有兩個男性用品嘅平面廣告，都係用一個樣貌普通嘅麻甩大頭相，對住鏡頭好有自信咁微笑就算。如果唔睇真廣告啲細字，根本唔知賣乜！雖然話就話香港係華人社會，喺某方面上唔及西方社會咁開放啫，但嗰兩個廣告都唔使咁冇創意都咁冇point吖？而奇就奇在商品嘅客戶又肯收貨，俾廣告出街。
講到有創意，其實阿仙奴嘅領隊雲格都算有創意，因為球隊近屆成日遇上傷兵問題，但雲格每一次都變招變陣成功，替兵工廠度過唔少難關，而喺禮拜六佢哋迎戰伯明翰時，雖然兵工廠傷兵仍然一籮籮，不過主力前鋒賓特拿，終於可以復出候命，加上今屆新加盟嘅前鋒查馬克又真係表現好生猛，而且艾沙維又好似有復蘇演出，一於直取兵工廠[-1]開「主勝」。
吾中
心水：阿仙奴勝[-1]
近5場戰績：LWWLW
心得：兵工廠有猛將復出