政府推出「置安心」計劃，想幫無殼蝸牛上車，不過各黨派都認為復建居屋才是王道，泛民研究修訂施政報告致謝動議，不滿煲呔唔肯復建居屋，好有可能投反對票。
民主黨涂謹申噚日喺立法會廁所見到某個高官，雖然有要事待辦，但都暫時忍一忍，爭取機會游說復建居屋。
阿涂同高官講，復建居屋幾乎係市民共識，唔明點解政府唔聽民意，佢話既然政府只係供應5,000個置安心單位，大可嘗試將其中兩個地盤，即係大約2,000個單位改為復建居屋，看看申請「置安心」單位多，抑或居屋比較受歡迎，民意便一目了然唔使多拗，否則市民始終會覺得煲呔因為怕得罪地產商而唔敢復建居屋，佢話高官對此建議嘅回應係一個「唉」字。