喺呢個月底就出嫁嘅曹敏莉，噚晚出席喺灣仔舉行嘅一個頒獎禮。講到月底嘅婚禮，佢話籌備工作已經搞得差唔多，佢話：「仲有兩個星期，家就忙緊未來老爺奶奶同爹哋媽咪當晚嘅衫。」她講笑話冇好似其他準新人咁，為搞結婚而鬧交，因為老公對自己非常信任，佢又話：「冇喎，佢知我識揀同埋會好簡單。」她笑言未來老公唯一要做嘅就係挑選一個蜜月地方畀自己。