有商品配合自己推出的唱片，RubberBand樂意非常。他們希望推出的精品很多，要自己和樂迷都在每次唱片上，有更多的回憶，他們不怕被標籤為商業樂隊，因為RubberBand心中有團火。
樂隊Rubberband在公司提議下，除了推出唱片之外，再推出屬於他們的產品。貌似林海峰的成員泥鯭雀躍地說：「出碟之餘，可以載住一個訊息，具體咁傳送出去，我哋都希望每隻碟有得推出副產品，仲可以畀我哋更大嘅紀念。」
盼出人形攬枕
泥鯭笑言下次可以推出人形攬枕，遭到拍檔阿正反白眼之餘，各隊友也紛紛提議最想出的商品，阿正說：「我哋碟入面有首歌講環保，如果係，希望可以出隻環保杯，提醒吓社會嘅人唔好浪費。」
至於另一成員6號，隊友們指他小時候愛畫畫，他希望其漫畫能面世。至於阿偉和藝琛則提議推出簡化版樂譜，讓欣賞他們音樂的人，有得聽歌之餘，也可以自己試彈，他們笑言：「有得聽有得玩，滿足到多個願望。」
不過RubberBand強調不可以亂出產品，一定要言之有物。他們還希望將來可以突破現在的層面，作多方面嘗試。他們不怕被視為商業樂隊，因為他們心中有團火，對工作有堅持。
泥鯭說：「當然唔可以違背我哋嘅理想，有時做嘢要咪嘴唱歌，我哋都唔想，堅持係live表演。」
想拍戲拒跳舞
6號說：「都可以試吓拍戲，但想莊諧並重，唔好叫我哋拍啲流星法院（意指《流星花園》），每晚有流星掉落嚟炸我哋嗰啲。」阿正更突然正經地說：「跳舞唔可以做，呢個真係唔得。」
採訪：王連連 攝影：陳俊強
場地提供：RBConceptShotofTSTLCX
