施政報告之後資金大舉入市，港股已經好耐冇見過連續兩日過千億成交，噚日現貨成交高達1385億，恒指就升咗394點，報收23852，單係睇成交，港股肯定要再上，23900至24000雖然係阻力區，但係intraday要破冇問題。
地產股升幅唔大，表面上係受施政報告一啲措施影響，實際上係喺阻力位前技術整固，遲啲會再炒。支撐大市嘅內銀股氣勢勁，成交大增，繼續睇好。
交行C輪24236：交通銀行（3328）噚日報收9.24元，升3.3%。股價喺9元關前橫行咗幾日之後，噚日以大成交裂口炒上，全日有大牌壓價嘅手影，踢高有機會突破10.20元阻力，推向11.50元，可以諗吓隻C輪24236。
隻輪現價20.6仙，2012年11月29日到期，行使價8.50元，溢價14.3%，引伸波幅36.2%，槓桿率4.5倍（有效2.9倍），正股升上11.50元，24236睇37.5仙，正股跌穿8.50元就沽咗隻輪。
俊樺