拜仁中場雲邦美（圖）入選荷蘭踢呢兩輪歐國外，仲喺上周五贏摩爾多瓦1:0場波傷膝，兼缺席周日操練。原本拜仁要求荷蘭足總放人，等雲邦美可以畀佢哋位神醫禾花夫驗傷，點知荷蘭唔答應之餘，仲喺前晚贏瑞典4:1場波畀雲邦美落場打咗72分鐘。拜仁喺德甲打咗7場先得8分，落後「1哥」緬恩斯成13分；如果雲邦美因帶傷替荷蘭比賽而搞到要長唞，拜仁肯定搵荷蘭足總算賬！