特首噚日發表新一份施政報告，港股大幅攀升335點收市，報收23457，係咪虛火？絕對唔係，現貨成交增加至1092億，尾段掃貨盤好勁。
施政報告嘅焦點係樓市，雖然提出嘅措施唔會解決家高樓價嘅問題，但方向清晰，就係以增加供應作為「穩定」樓價嘅手段，強調「穩定」，因為政府講明唔係要推冧樓市，咁樣嘅話，對樓市同股市嚟講肯定係好消息。
中材C輪22090：中材股份（1893）噚日報收7.34元，升8.5%。股價喺過去一個月緩慢上升，不過噚日就有大量買盤追捧，主要受「建材下鄉」消息刺激，新政策利好效應唔會細。中材中線有機會上越10元，可以諗吓隻C輪22090。
隻輪現價16.6仙，2011年5月30日到期，行使價7元，溢價18%，引伸波幅65.4%，槓桿率4.4倍（有效2.8倍），正股升上10元，22090睇36.4仙，升幅逾倍，正股跌穿6.70元就沽咗隻輪。
俊樺