【Sa霆戀之夫妻相】
本報日前獨家披露蔡卓妍（阿Sa）和陳偉霆（William）撻着，阿Sa為免重蹈瞞婚覆轍，日前罕有地承認發展Sa霆戀3個月，更在微博大晒幸福，雖然阿Sa現時正享受拍拖生活，但未有放下工作，昨日她到九龍塘為新碟造勢，穿上黑色tubedress的她大賣成熟美，更全程被追問Sa霆戀所引發出來的是是非非，對於被指有情侶尖下巴，她搞笑說：「吓？乜呀？係唔係話我哋好襯。」
現年27歲的蔡卓妍和24歲的陳偉霆因被本報獨家踢爆兩人秘戀後，日前阿Sa大方承認與William拍拖三個月，本周一兩人從鄭州工作回港後更攬住大晒幸福，羨煞旁人。
最緊要開心幸福
阿Sa昨日以一身黑色tubedress配以新曲髮到九龍塘出席新碟發佈會，不過在會上，傳媒的焦點都集中在Sa霆戀上，阿Sa早有心理準備，她在微博內更寫道「準備上戰場中……準備被人祝福？」對於有傳Sa霆戀不只發展三個月時，阿Sa從容說：「要講都講晒，我哋公開都有心理準備面對流言，對報道亦唔理會，講幾多都冇用，希望好似主打歌咁《簡簡單單》，外人點睇都唔理會，最緊要自己開心，開心同幸福係自己。」而有指William的舊愛Angelababy暗寸男方一腳踏兩船，又暗示兩人發展不只三個月，令兩女的fans在網上罵戰，阿Sa勸喻兩幫fans不要太激動，至於與baby見面會否尷尬時，她就說：「唔會啩？」
阿Sa強調自己無意隱瞞拍拖，只是想等兩人感情穩定才公開，不過當提到兩人越來越有夫妻相，就連下巴都合拍地變得又尖又兜，她即搞笑說：「吓？乜呀？係唔係話我哋好襯。我只注重美容，唔注重整容。」
鍾欣桐否認蜜運
阿Sa好姊妹鍾欣桐（阿嬌）昨晚在將軍澳錄影《勁歌金曲》，阿嬌前日在微博留言，有指她欲公開與幕後音樂人莊冬昕的地下情，她昨日拒認蜜運：「大家誤會咗，唔關拍拖，總之唔講得。」有指阿嬌撬鄭融牆腳，她否認與莊冬昕拍拖，她說：「我哋係朋友。」可有發展機會，阿嬌暗示：「呢啲嘢唔可以講有定冇。」
採訪：胡比、李珮洳
攝影：林德雄、陳慧安
