華華上星期講到港交所夏佳理飛去歐洲搵生意，兼去法國出席國際交易所聯會（WFE）年會會議，查實今次呢個會對Ronald好有意思，事關佢獲選為WFE新主席，佢係繼利漢釗之後，第二個港交所嘅頭頭做呢個位，真係恭喜恭喜！
為港爭光嘅Ronald自然要做番啲嘢喇！佢喺歐洲接受老外訪問嗰陣，即時狂sell香港，例如今年嚟香港上市嘅公司成70多間、吸水成220億美元（單係農行（1288）都夠照喇！）、友邦保險又即將加入港交所大家庭、家陣排緊隊喺香港掛牌嘅公司都有90間（截至9月底止）云云。總之，一句講晒：香港，正呀！
李華華