闊別香港5年嘅adidas男子街頭籃球賽今年捲土重來，將會喺11月27、28同12月4、5號喺灣仔修頓遊樂場嘅室外籃球場舉行。今年賽制同以前好唔同，因為adidas希望將NBA元素加入街頭籃球，所以將3打3改成5打5。另外，今次賽事仲冇分年齡組別，亦冇咗專為甲一球員而設嘅超級組，得學生同公開賽兩個組別。不過各位波友都唔使擔心被屈機，事關大會只容許每隊有一個甲一球員，求大俠聽講南華嘅李嘉耀已經報咗名，想同佢切磋下今日已經可以報名，每個組別得32隊名額，今個月29號就截止啦！報名表可以喺籃總、康文署灣仔區康樂事務辦事處、adidas專門店、SonyStyle陳列室同GigaSports拎，或者上 http://www.adidas.com.hk下載。