立法會議員天主教監察組日前發表2009至2010年報告，社民連陳偉業捱批，被指過去一年冇提任何動議同修正案，表現「令人失望」。
八方前日搵過大嚿問佢有乜回應，可惜佢電話冇電，未能聯絡；噚日同佢講起呢件事，大嚿依然好扯火，大鬧監察組份報告內容好粗疏，冇做好功課，事關翻查紀錄就見到，佢其實一早計劃喺辭職參與五區公投前夕，獻出今年第一次亦係最後一次，動議辯論五區公投運動，點知建制派喺佢哋準備辭職當日反枱，大會流會收場，令佢今屆首個處男動議亦流產收場，換言之佢唔係冇提過，只不過係提唔到啫，希望監察組唔好搞錯，更加希望佢哋下次做評核時認真啲，唔好寃枉人。