位於佛羅里達州嘅奧蘭多，又多咗一個吸引遊客嘅景點就係周日剛正式舉行咗首場NBA賽事嘅AmwayCenter，呢個場館喺今季就會係魔術嘅新主場館。估唔到魔術中鋒懷特侯活（圖右）、路易士及雷迪等球員喺新場如有神助，全場轟入15個3分球，結果以135:81大炒黃蜂，令到全場爆滿嘅18,516名觀眾開心到暈。AmwayCenter耗資4.8億美元建成，除咗有多用途場館外，亦都有夜總會、商店等，方便遊客及球迷睇波之餘可以盡情購物狂歡；不過我求大俠就擔心班球員「放工」後順路去蒲，玩到忘晒形就唔好啦！