花旗股市上禮拜五突破11000關，A股噚日升勢加劇，帶動港股升破23100收市，升破上年11月高位，成交增加至952億，下個目標係23600至23900。
今日政府有地賣，上次同一地段創新高價，今日嘅成交價相信會再高一啲，明日特首會公佈施政報告，焦點喺樓市，所以今明兩日嘅市要夾埋一齊睇。資源股開始趨個別發展，煤股強勢可以keep住。
兗煤C輪24960：兗州煤業（1171）噚日報收21.80元，升5.5%。股價早兩日出現技術調整，但係靠近10日線即刻掉頭，噚日又顯著炒高，成交增加，動力強，會上試23元，破位睇25元，可以諗吓隻C輪24960。
隻輪現價42仙，2011年3月18日到期，行使價18.85元，溢價5.7%，引伸波幅45.3%，槓桿率5.2倍（有效3.8倍），正股升上25元，24960睇67.8仙，超過6成升幅，正股如果跌穿20.55元就沽咗隻輪。
俊樺