皇馬嘅球員陣容星光熠熠，但主帥摩連奴（圖）就覺得教練團未夠強勁，仲趁接受訪問時公開講希望前法國球王施丹放低球會大使工作，然後加入教練團做佢助手。但我求大俠聽講施丹家周圍去都不知幾快活，佢亦講過唔想教波，摩佬想請施丹出山真係有啲強人所難。摩佬又講到邊個係世界最佳球員嗰陣，諗都唔使諗就話愛將C朗第一，美斯第二。講開C朗，最近葡萄牙雜誌又藉C朗個仔嘅偏黑膚色，搵到C朗同兩位疑似小C朗黑人生母嘅合照，其中一個仲係前波圖球星查度個妹佐丹娜㖭，但睇落兩個女人都唔似係小C朗阿媽喎。