江若琳近日喺北京繼續拍攝中央台嘅電視劇《星光都市》，不過依然抽時間出席美麗童行公益活動，當晚出席嘉賓仲有吳宇森、劉曉慶、秦海璐同葉世榮。江若琳接觸到其中一位得獎者，佢為山區小朋友作出好多奉獻同犧牲，當江若琳聽到之後都覺得好感動，但喺台上佢一直強忍眼淚，直至返到後台佢就忍唔住放聲大哭，搞到助手都不知所措。