花旗股市上禮拜五出現突破，道指升破11000關，升近58點，報收11006，對徘徊喺高位嘅港股係好消息，今日恒指有機會升破23100收市。
投資者預期花旗聯儲局將會進行新一輪貨幣寬鬆措施，係花旗股市炒上嘅主要原因，道指突破11200之後，將會向12000關推進。內地股市嘅升勢可持續，但係幅度會趨溫和，最有睇頭嘅仍然係內銀股同資源股。
工行C輪23050：工商銀行（1398）上日報收5.94元，升0.3%。股價喺5.70至6元之間上落已經超過1個月，過去6個交易日成交明顯增加，睇股價走勢同大市氣氛，短線好大機會炒上6.40元，可以諗吓隻C輪23050。
隻輪現價39仙，2010年12月30日到期，行使價5.80元，溢價4.2%，引伸波幅27.8%，槓桿率15.2倍（有效9.1倍），正股升上6.40元，23050睇71.2仙，升幅超過8成，正股跌穿5.76元就沽咗隻輪。
俊樺