廣告商成日鍾意搵球星扮鬼扮馬賣廣告，之不過一向外形嚴肅嘅阿根廷後衞真路比利（圖左），就真係好好彩，佢只係喺最新一輯HEB超級市場嘅廣告入面，扮番一個型到爆嘅牛仔Look造型同埋浴袍Look。呢次仲有型仔隊友、法國後衞柏加做拍檔，佢哋兩個「一黑一白」着晒德州傳統牛仔裝對決。真路比利、柏加兩個上鏡，又點會無馬刺王牌前鋒鄧肯出場，佢今次只需着番波衫做和事佬角色，以佢出名冷靜嘅性格，真係入型入格o架！佢哋3人拍得咁開心，亦將呢份喜悅帶埋入球場，皆因馬刺主場喺上周六熱身賽，以90:73大勝有勒邦占士同保殊嘅熱火，真係可喜可賀！