托迪（圖）喺南非世盃前話會重返意大利國家隊，但最尾因傷冇入選。意軍新帥柏蘭迪利就講明，競爭性賽事唔會再預呢位已經34歲嘅羅馬隊長；不過柏帥話國家隊下月會去奧地利友賽羅馬尼亞，諗住搵托迪踢番場國家隊告別賽喎！不過，托迪啱啱因季前批評意甲球證，俾足總罰款1萬歐元，唔知會唔會影響佢呢場告別賽呢？