西班牙上周五對立陶宛賽前，有沙比阿朗素感冒缺陣，下半場又有沙治奧拉莫斯（圖）整傷足踝被換出，但「狂牛」教頭迪保斯基都算夠膽，講明唔使補選球員，仲希望兩位主力可以喺周二惡鬥蘇格蘭時復出。迪保斯基有咁嘅決定，一定激奀皇馬教頭摩連奴，因為佢兩個愛將俾國家隊用到殘，最尾蝕底咪又係皇馬！