鄭伊健昨日聯同林曉峰（阿Lo）康子妮夫婦齊齊現身跑馬地，為智齡專上學院籌款作慈善羽毛球賽，伊健與拍檔落敗，阿Lo與康子妮夫妻檔贏了另一場賽事。伊健一向是運動愛好者，問他會否考教練牌，他說：「自己呢個年紀唔得，之前都係同女友打羽毛球，家技術超越咗佢，香港人壓力大，要注意飲食，唔好淨係賺錢。」
「會叫女友小心啲」
對於跳水王后郭晶晶慘遭紅外線鏡頭偷拍一事，會否人人自危，伊健表示：「啲人唔應該用高科技拍呢樣嘢，對大家都唔公平。」問到他有甚麼對策自保，他說：「出海，但要喺平日先去。」會不會多打底，他笑說：「不如着牛仔褲，希望大家自律，都會叫女友小心啲，公眾人士見到偷拍都應該舉報。」
採訪、攝影：顏英儀