今天，10年10月10日，不是甚麼特別的日子，當然台灣人除外，他們正在慶祝雙十節。但今天在日曆上看來卻肯定是很有趣，非1即0，這兩個數字對理科的人來說，相信特別有意思吧！
也不止於此，在新加坡，就有100對新人於今日一齊舉行婚禮；英國有組織借今日提倡減少排污；也有人危言聳聽，說今朝10點，電腦會全部中毒。有趣的日子，特別多有趣的事發生，在西九海邊，還有人在發飛天夢呢！
非1即0態度
1和0得到理科生喜愛，因為兩個數字代表着非黑即白，對錯分明，一切都清清楚楚，對比起每日看見新聞裏的唔清唔楚，周圍都是灰色地帶來說，非1即0這種態度，實在久違。
這些生活上的灰色地帶，可能就是其中一個原因令到大家更愛足球，因為足球世界裏，一係贏，一係輸，或者你會說還有打和啊！對，但無論贏或輸或打和，遊戲規則總是公平公正，入球多的就是勝利的一方。當然，球場上還是有不少「估你唔到」的意外或例外，令人哭笑不得，但球場上的不公平事，你還可以鬧球證出番啖氣，生活上的不公平呢？有時還不知怨人，還是怨自己好。
為金句解畫
在這個非黑即白的周日講足球，很難免又聯想起Peter兄的金句：「一係入，一係唔入」，據講這金句之所以深入民心，是因為講了等如無講，若果你對此都有同感，那就要將Peter解釋給我聽的，再講一次給你聽：「『一係入，一係唔入』，其實係想強調冇一個12碼係一定入梗嘅。呢個睇法，係因為我以前教波嗰陣，見到太多球員一博到12碼，就得意忘形，結果掉以輕心，射唔入囉！」Peter解釋如是說，你明白未？
近日天朗氣晴，秋高氣爽，加上這兩天無甚麼足球賽事，計我話今天正是開始新計劃的好時候，懶理你的計劃多大或多小，肯踏出第一步的就是1，得個講字的就是0，不嘗試飛，又怎知自己能否飛得起呢！
文：keyman