環境局局長邱騰華自從慳電膽事件後好似頭頭碰着黑，停車熄匙搞到一鑊粥，擴建將軍澳堆填區爭議甚至觸發憲制危機，係近期官場大黑仔。八方聽聞食衞局局長周一嶽早就約咗民主黨，前日列席黨團會議，親自推銷自願醫保計劃，點知黨團召開前一日，邱騰華親自致電民主黨，提出翌日到黨團解釋堆填區政策。黨團召集人李華明認為堆填區問題有迫切性，搵食衞局副局長梁卓偉請佢讓路，點知邱騰華更快一步，已經親自問周一嶽借個期畀佢先。
由此可見，邱騰華真係十萬火急要解除危機，周一嶽識做讓路。雖然邱騰華無功而還，但都應該多謝周一嶽雪中送炭。民主黨話歡迎更多局長喺政策出台前主動到黨團解畫。