效力曼城嘅荷蘭「殺人王」尼祖迪莊，喺踢斷咗紐卡素嘅法國中場賓艾化（圖）隻腳後，諗住去探對方，點知食檸檬。因呢件事而被荷蘭國家隊除名嘅尼祖迪莊，喺周三透過曼城聯絡賓艾化嘅代表，希望到醫院探賓艾化，慰問吓佢。不過，賓艾化嘅回覆係佢任何曼城嘅人都唔想見，所以曼城惟有淨係送禮物到醫院算數。