無綫喺今年3月爆出涉嫌貪污嘅醜聞，涉案嘅寧進一直被公司停職，直至上個星期三佢約滿，無綫索性唔同佢續約。寧進俾無綫殘酷一叮，結束8年嘅賓主關係，據知佢日前返咗去執包袱，落得咁嘅下場，佢猛呻話好唔開心，為咗紓解鬱結，寧進仲參加朋友嘅生日會，席間識咗百果園E神陳靜，兩人即刻黐頭芒合照，仲將相放喺微博㖭。