盛傳接拍黃百鳴的賀歲片及馬楚成新戲的張栢芝，昨日穿短褲晒玉腿現身機場，出席奧比斯救盲活動。母愛氾濫的栢芝戴上白內障眼鏡體驗失明之苦外，更豪捐100萬港元支持奧比斯。
張栢芝昨日以睛彩之星身份到香港機場出席「奧比斯—聯邦快遞」睛彩無「障」之旅開幕儀式，穿上熱褲，粉紅間條衫的栢芝明顯收身不少，只是腰間仍有小肚腩，但全程臉帶笑容的她，似乎已走出淫照事件的陰霾。
最近有指栢芝將復出接拍黃百鳴的賀歲片及馬楚成新戲《賽車》，但栢芝昨日沒有接受訪問，令人難免聯想是避談陳冠希，大會解釋栢芝拒做訪問，是想焦點放在慈善活動上。司儀宣佈栢芝會捐出100萬港元給奧比斯的救盲行動，她在台上說：「聽到嘉賓講經歷，原來1982年，我兩歲時（救盲行動）已經做緊，係好好嘅事，能夠參與好開心。」
體驗失明行唔穩
栢芝指今次打動她捐錢有幾個原因：「我好鍾意細路仔，我知如果10歲前有得醫，康復機會率有85%，另一個原因係我爺爺嫲嫲又聾又啞冇得醫，醫唔到冇法，但醫到希望從今日開始香港傳媒支持同宣揚，好多人原本有機會醫，同埋點解捐100萬，佢哋有8成、8成半康復率，捐100萬係希望所有細路仔有100%康復。」
及後，大會安排眾嘉賓與栢芝參觀眼科飛機醫院，之後戴上白內障眼鏡緩步落機感受失明之苦，栢芝由奧比斯Dr.HunterCherwek攙扶落機但仍步履不穩。其後栢芝說：「我感受係好矇，每步路睇唔清楚，只見到個影，有佢扶持先行到咁多步，體驗到全世界關注白內障人，就可以條路行得順利啲，亦令我更有熱誠，唔會放棄繼續宣揚出去，冇人扶持好慘。」
教兒子珍惜幸福
栢芝又說：「入面嘅細路仔做手術，父母可以隔住玻璃陪住，之後望到嘢，父母會喊到開心流淚。」她又表示會帶兩副大會的紙眼鏡返家教導兩個兒子，她說：「我會教Lucas先，Quintus仲細，會教佢哋呢個世界冇你咁幸福，要珍惜眼前一切。」
採訪：溫敏芝
攝影：黃偉雄
