高海寧趁着徐淑敏結婚產女收起性感，成功上位當上無綫新一代咪神，這位落選港姐，無論人氣及工作量都超越三甲，其驕人的咪咪實在功不可沒，為免觀眾看多生厭，她會保護自己的最佳武器，適當時候才會露一手。
高海寧說她不介意別人將焦點集中在她的身材方面，反而較在意演繹一些情婦的角色，她說：「其實我唔識做情婦角色，好有難度，我人生經驗唔足，唔似做人情婦搶人老公，覺得自己做呢類角色好表面，我都想演少女角色做番適合自己年齡角色，或者外形所限，始終都冇乜機會。」
怕被指搶風頭
由於高海寧自知身材比較出眾，所以有時在穿衣上為免成為焦點，反而刻意將身材收藏起來，她說：「我露少少就俾人覺得好性感，所以平時着衫見人都唔會太暴露，只會做適當性感，好似舒淇咁唔使除衫，只要一個眼神就可以好性感，我希望做到只要露少少就可以好靚。」
高海寧續說：「同埋都要睇場合囉，如果有一日可以去到奧斯卡行紅地毯，我諗我會將自己最性感拎出嚟，平時喺香港出席首映，講真我真係唔敢着得太低胸，唔係驚人睇，而係怕俾人誤會我想搶人風頭，咁就唔好啦。」
向徐淑敏學習
有長腳蟹之稱的呂慧儀，最近狂騷身材，衣着性感，胸腿連環露，問高海寧會否視呂慧儀為最大勁敵？高海寧謙虛地說：「Suki（徐淑敏）同呂慧儀都係我前輩，我唔會當佢係假想敵，反而係學習對象，佢好努力工作，由謎女郎到長腳蟹又拍戲，見到佢付出好多。」
採訪：魯萍
攝影：陳志嵐
