近幾年李克勤推出的唱片都着重想帶出一些信息，讓聽者思考，今年克勤決定來個轉變，新碟《罪人》找來Erickwok與黃偉文等強勁班底，希望在K歌佔一席位，對於獎項，他依然在乎，只是怕出席頒獎禮時，與新一代歌手如林峯等有代溝。
克勤表示今次想做一些K歌，讓大家輕鬆吓，他笑言：「EricKwok話首《再見穿梭機》係超級無敵勁好聽，一定掂喎，詞就係Wyman（黃偉文）寫，大家都知佢家鍾意時裝扮靚多啲，減產咗好多，我親自邀請佢寫o架。」
搵錢壓力大
《再見穿梭機》內容說的是人生的不同階段，身位兩子之父的克勤，以往提到家庭總有點避忌，近年態度開始軟化，有問必答，克勤坦言：「坦白講好多人都係睇住我大，就好似一切成長，都冇乜秘密，早已習慣點同媒體溝通，好彩大家見到我哋一家都唔追得太過份。」
克勤笑說有兩個仔，搵錢壓力很大，他坦言：「我盡量都唔想出埠太多，但有錢就另計，冇錢就梗係唔去喇。」
恐怕無話題
問到對於獎項是否已不太在乎？克勤直言：「乜嘢唔在乎，有我會要o架，唔係話清高，但係獎項真係唔係單單我一個人，一隻碟背後係要好多人做嘢。」但克勤不諱言有時出席頒獎禮感覺蠻尷尬，他說：「家好多時出席嘅歌手，都已經唔係我嗰代，劉德華喺度都仲好啲，係同一代，有傾有講，好似林峯咁，都算係我下一代，真係怕坐埋一齊冇話題囉。」採訪：胡比
攝影：陳慧安
髮型：AdolphBow
化妝：AngelYip
服裝：ClubMonaco
場地：蘭桂芳酒店
