惠英紅主演的電影《心魔》在多個地方的電影節為她帶來七個獎項，昨日在將軍澳電視城祝捷，高層樂易玲、監製梅小青和李添勝均出席撐場，她笑言終於追到張家輝。樂小姐順道宣佈小紅跟無綫簽下經理人合約，成為親生女之一，小紅即說：「冇換獎o架。」其間小紅感謝無綫及記者幫助，眼泛淚光。
願降價接戲
有消息吹捧小紅在無綫頒獎禮有份獲獎，小紅說：「傳入圍配角都話啫，主角有都唔敢上台攞啦，但阿佘、雯女、法拉三個都好好。」如今成為無綫親生女即有換獎之說，小紅說：「其實已經簽咗幾個月，低調冇講啫，但明白呢行冇人寫你係凄凉，寫得好與唔好都冇所謂，自己刀槍不入，幾十年先做到親生女，對呢啲消息冇動搖。」小紅表示只要有好劇本會降價接拍。
採訪、攝影：卓寶花